Mediat spanjolle raportuan se ky shtetas shqiptar në foto, identiteti i të cilit u publikua, është shpallur në kërkim nga autoritetet, si i përfshirë në një vrasje të ndodhur në korrik të vitit të kaluar.
Deri tani në kuadër të operacionit janë arrestuar tre persona, dy me kombësi serbe dhe një shqiptar, ndërsa në kërkim është shpallur një tjetër shqiptar, me nënshtetësi suedeze, i identifikuar si Artan Muharremi, i njohur ndryshe me nofkën “Luli”.
Raportohet se 36-vjeçari Muharremi u përfshi në të shtënat që ndodhën në 13 korrik të vitit 2022, si pjesë e një grupi kriminal të përfshirë në trafikun ndërkombëtar të drogës. Sipas policisë spanjolle Muharremi me shumë gjasa është duke përdorur dokumente false sllovene, ose çeke, për t’iu shmangur autoriteteve.
