Tribunat e Mestalla të Valencias në Spanjë kanë qenë skenë e një sherri mes tifozëve gjatë ndeshjes miqësore Kolumbi-Irak. Menjëherë pas fillimit të ndeshjes, në Grada de la Mar, vetëm gjysmë e mbushur, një grup prej rreth 15 ose 20 spektatorësh filloi të hidhte karrige dhe të shkëmbente goditjet. Gjithçka ka ndodhur në atë pjesë ku thuajse nuk kishte publik. Sherri ka zgjatur për gati dy minuta, derisa ka ndërhyrë sigurimi privat i Mestallës dhe Policia Kombëtare, duke marrë disa spektatorë dhe si pasojë e atij incidenti ka shtuar sigurinë në hyrje të stadiumit.
Mestalla regjistroi një hyrje prej rreth 15,000 spektatorësh, shumica dërrmuese e tyre tifozë kolumbianë që donin të shijonin vizitën e Kombëtares së tyre në Valencia. Në fakt, të gjithë u brohoritën “jashtë, jashtë” 20 të çmendurve që u përplasën me karriget në tribuna. Takimi aspak miqësor u mbull 1-0 në favor të latinëve, që shënuan në minutën e 76-të me Cassierra.
