Komisioni hetimor për ‘Sterilizimin’ ka vijuar edhe sot seancën dëgjimore me dëshmitarët.
I pari që është paraqitur ishte Petro Mersini, ish-drejtor i Përgjithshëm i Shërbimit Spitalor. Ai u shpreh mjaft i indinjuar duke kërkuar që kësaj çështje t’i jepet fund.
“I thashë SPAK-it, mbylle se na morët shpirtin, ose na fusni brenda ose na nxirrni jashtë, tre vjet, pesë vjet. Këtu është të thuash të keqen e Enverit, një muaj të bënte gjyqin, të fuste brenda, të nxirrte jashtë” tha ai.
Sa i përket mjeteve kirurgjikale, ai u shpreh se mjetet që përdoreshin më parë ishin të vjetra, ndërsa tani janë futur sete të reja.
“Ishin të vjetra kishin 30 vitesh dhe ankoheshin mjekët nuk presin. Mbanin vegla në dollapin kur vinin nga jashtë mjek dhe këta mjekët këtu ja mbanin disa vegla atyre, se ata vinin me veglat e tyre. Erdhën të reja instrumentet kirurgjikal dhe kirurgët na falenderonin, na shpëtuat thonin. Tani janë shtuar. Më parë hapeshin instrumentet nëse ishin parashikuar 4 operacione infermierja i planifikonte sipas operacionit ndërsa mjeku kirurg zgjedh çfarë seti do”, tha ai.
I pyetur se kush i paguan dhe zëvendëson setet e amortizuara, ai u shpreh se ato zëvendësohen nga koncensionari.
“I zëvendëson koncensionari pa pagesë, pra futet tek pagesa që është llogaritur”, tha ai.
i.b./dita
Ke te drejte o drejtor,doktorr por Enveri deshmotaret isajonte per 5 min kurse sot Rama megjithese per mbajtjen e pushtetit eshte nje me Enverin nuk eshte se nuk gjen deshmitar dhe nuk sajon armiq sepse aftesite e tij i tregoi ne çeshtjen BABALE por i pelqen ti zvarrise ca ngjarjet deri sa te harrohen ose te dale apo te sajoje nje ngjarje te re. PSH. tani me republiken e re SPAK ka mundesi ti mbylle shpejt keto letra sepse asnje se ka me mendjen ke ILIR BEQJA apo VILMA NUSHI .