Me Inteligjencën Artificiale (AI) dhe Chat GPT në industri të ndryshme, disa njerëz po përjetojnë disa nga anët befasuese të përdorimit të teknologjisë së re.
Refiloe Majola (@refiloe_majola) postoi një video të një punimi, me notën zero në të, sepse u zbulua se ishte 100% i krijuar nga AI.
Shumë studentë po integrojnë Chat GPT në jetën e tyre të përditshme. “Të lejoj Chat GPT të kontrollojë një ditë universiteti në jetën time”, shkroi @thebeekid në një postim. Ajo kërkoi që Chat GPT të zgjidhte rutinën e saj të studimit, vaktet dhe stërvitjet.
Mësues të ndryshëm në TikTok kanë treguar gjithashtu metodat e tyre për të përcaktuar nëse provimet me shkrim dhe esetë janë shkruar në të vërtetë nga studenti.
@lilmaverick3, e cila është një profesoreshë historie kolegji, ndau një postim se si turnitin.com – një faqe që e ndihmon atë të zbulojë plagjiaturën – ka ndërtuar softuerin e saj të zbulimit të inteligjencës artificiale.
Mbi 10 milionë njerëz e panë videon nga @refiloe_majola. Kjo nuk është gjithashtu hera e parë që një student përdor Chat GPT dhe del me një notë negative.
Stafet akademike në gjithë botën thonë se kanë filluar të skanojnë përmbajtjet e krijuara nga AI me qëllim që studentët ta kenë të vështirë të përdorin Chat GPT në punët e shkollës në të ardhmen.
Pavarësisht kësaj, Chat GPT po regjistron një numër hyrës user-ash deri në 100 milionë njerëz çdo ditë!
