Rreziqet e Covid-it të gjatë kanë qenë ‘shumë të ekzagjeruara’ me më shumë se 200 simptoma të lidhura me gjendjen, thonë ekspertët.
Sipas tyre, të metat e mëdha në kërkime kanë shtrembëruar shtrirjen reale të gjendjes, duke çuar në diagnoza të gabuara dhe ankth në rritje tek publiku.
Ata kritikuan mungesën e grupeve të përshtatshme të krahasimit në studimet që shikonin incidencën, prevalencën dhe kontrollin e gjendjes.
“Kjo ka rezultuar në një keqdiagnozë të gjerë të problemeve të ndryshme të zhvilluara pas Covid, duke minuar trajtimin e pacientit”, thanë studiuesit.
Shkencëtarët nga Mbretëria e Bashkuar, SHBA dhe Danimarka shikuan përkufizimin e Covid-it të gjatë nga një numër organizatash globale shëndetësore, duke përfshirë Institutin Kombëtar për Shëndetin dhe Kujdesin (NICE) dhe Organizatën Botërore të Shëndetësisë (OBSH).
Ata zbuluan se çdo simptomë e re që ndodhi pas një infeksioni të konfirmuar ose të dyshuar Covid është konsideruar si Covid i gjatë, duke bërë që kjo gjendje të ketë më shumë se 200 simptoma të lidhura me të.
Shumica e njerëzve që rezultojnë pozitiv me Covid-19 ndihen më mirë brenda ditëve ose javëve, por për disa njerëz, simptomat mund të zgjasin më shumë se 12 javë.
Ata që kanë Covid të gjatë, të njohura edhe si pasojat post-akute të Covid-19 (PASC), raportojnë lodhje, mungesë vëmendje dhe dhimbje gjoksi.
Por ekipi argumentoi se simptomat janë të zakonshme në mesin e shumë viruseve të rrugëve të sipërme të frymëmarrjes.
Ata gjithashtu theksuan se studimet në fazat e hershme të pandemisë ka të ngjarë të kenë përfshirë më pak pacientë me simptoma të lehta ose pa simptoma, të cilat mund të kenë çuar në keqraportim të kampionimit.
Kjo ndodh kur grupe të caktuara kanë më shumë gjasa të përfshihen në një studim sesa të tjerët, duke kufizuar gjetjet.
“Analiza jonë tregon se ekziston nevoja për përkufizime më të mira të rasteve dhe kritere më të rrepta të cilat duhet të përfshijnë simptoma të vazhdueshme pas SARS-it të konfirmuar. Duhet të merren parasysh imuniteti dhe gjendja mendore e njerëzve pasi kanë kaluar Covid-19”, thonë studiuesit.
Ata kërkuan që të ketë studime që tregojnë simptomat specifike për Covidin e gjatë që të shmanget një diagnostikim i gabuar.
