Sot pasdite Tirana është përfshirë nga shiu i rrëmbyeshëm, shoqëruar me vetëtima dhe erë të fortë.
Pas një paradite me diell dhe temperatura të ngrohta, një stuhi e atyre përmasave, e ka kapur në befasi kryeqytetin.
Edhe këtë fundjavë do të na shoqërojë mot i paqëndrueshëm, me paradite të ngrohta me diell e temperatura 27-28 gradë celcius, por pasdite do ketë rreshje shiu.
Sinoptikanët thonë se e njëjta situatë e motit do të vijojë për disa ditë edhe në javën tjetër. Reshjet do të jenë prezente në vend, pavarësisht temperaturave të larta.
Si parashikohet fundjava
Fundjava pritet të jetë në ndikim të kushteve atmosferike të paqëndrueshme. Moti parashikohet të nisë me kthjellime dhe prej mesdite zhvillim të vranësirave.
Në orët e mesditës deri pasdite, vranësirat do të pasohen nga reshje shiu të cilat hera-herës do të jenë edhe në formën e shtrëngatave afatshkurtëra.
Era do të fryjë me drejtim nga veriperëndimi me shpejtësi mesatare 1-8m/s, shoqëruar me valëzim në dete të forcës 1 ballë.
