Sot është festa e “Sulltan Nevruzit” për besimtarët bektashinj. Simbolika e kësaj dite shpjegohet me ringjallërimin e kësaj dite pranverore, lind shpresa, ringjallja për gjithë njerëzimin.
Ajo është një ditë e re, kur të gjithë shpresojnë për një të ardhme më të mirë. Teqeja e Baba Selimit ne Hambar tç Cakranit si çdo vit ka pritur me qindra e mijëra besimtarë.
Me qindra automjete me besimtarë i janë drejtuar prej orëve të para të mëngjesit të sotëm, vendit të shenjte për t’ju bashkuar pelegrinazhit dhe riteve te kësaj ditë.
Përpos kësaj dite të shënuar për besimtarët bektashinj për t’ju drejtuar teqesë së Baba Selimit në Hambar të Cakranit në Fier, shumë prej tyre nuk kanë mundur të shkojnë në destinacion por janë kthyer mbrapsht për shkak të bllokimit të rrugëve nga fluksi i automjeteve.
Për besimtarët, bllokimi i mjeteve ka ardhur si pasojë e situatës se rrugëve te ngushta dhe te amortizuara.
“Nevruzi” vjen nga persishtja dhe do të thotë “Dita e re”, ndërsa “Sulltan” është titulli i lartë që tregon rëndësinë e kësaj dite.
Festa e Sulltan Nevruzit ka mbërritur në viset shqiptare së bashku me besimin bektashian, në shekujt XV-XVI. / TCH
j.l./ dita
