Policia e Tiranës, ka reaguar pas lajmeve për sulmet kibernetike të raportuara ditën e djeshme ndaj sistemit TIMS.
Në një njoftim zyrtar, Policia sqaron se mbrëmjen e djeshme, nuk ka ndodhur sulm kibernetik, por u realizuan disa procese të parashikuara mirëmbajtjeje.
Gjithashtu shton se pas ndërhyrjeve puna është kthyer në normalitet, por paralajmëron se në ditët në vijim do të ketë ndërprerje me afat të shkurtër kohor, në pika të ndryshme kufitare, për shkak të ndërhyrjeve të brendshme, me qëllim përmirësimin e performancës së sistemit TIMS.
Njoftimi i plotë:
Në lidhje me disa lajme të publikuara mbrëmjen e djeshme, në disa media dhe portale, në të cilat është pretenduar se ka ndodhur përsëri sulm kibernetik ndaj sistemit TIMS, sqarojmë opinionin publik se:
Ndaj sistemit TIMS, mbrëmjen e djeshme, nuk ka ndodhur sulm kibernetik, por në kuadrin e përmirësimit dhe rritjes së performancës së sistemit TIMS, mbrëmjen e djeshme u realizuan disa procese të parashikuara mirëmbajtjeje, të cilat ndërprenë shërbimin në interval të shkurtër kohor, në disa prej pikave kufitare, por pa sjellë pengesa në lëvizjen e lirë të qytetarëve.
Konfirmojmë se pas ndërhyrjes së shkurtër, mbrëmjen e djeshme, sistemi TIMS vijon të jetë funksional, në të gjitha pikat kufitare.
Sqarojmë se edhe në ditët në vijim, do të ketë ndërprerje me afat të shkurtër kohor, në pika të ndryshme kufitare, për shkak të ndërhyrjeve të brendshme, me qëllim përmirësimin e performancës së sistemit TIMS.
Policia e Shtetit kërkon mirëkuptimin e mediave që para se të publikojnë lajme që kanë impakt tek qytetarët, të kërkojë informacion zyrtar pranë strukturave përkatëse të Policisë së Shtetit.
j.l./ dita
Oooouuuu,oouuuui,shqiptaret ngaterrohen me brekt e veta,lidhen me corapet,jo me ti sulmoje Irani kompjuterat e me the e te thashe,heroizmat e popullit tone ne shekuj,qe nga 300 km katror territor kombetar ku flitej gjuha shqipe,ka perfunduar ne 28 mije.Kompjuterat dhe sistemi TIMS jane prishur per te kaluar ca hajduter kontrabandiste,drogaxhij,,per hajdut qe vjedh shpine e vet shqiptari eshte 1 ne bote.