Shtetet e Bashkuara të Amerikës kanë dënuar sulmin kibernetik që rrëzoi për disa orë sistemin TIMS në vendin tonë, duke shkaktuar kaos në dogana dhe në Porte.
Agjencia Kombëtare e Sigurisë në SHBA thotë se qëndron pranë Shqipërisë në përpjekjet për të zbutur pasojat e sulmit, që vjen pas një tjetër sulmi të madh, atij të 15 korrikut, të sponsorizuar nga Irani.
SHBA pohon se po ofron asistencën e saj që Shqipëria të rimëkëmbet nga ky sulm.
“Shtetet e Bashkuara dënojnë sulmin kibernetik të 9 shtatorit kundër aleatit tonë të NATO-s, Shqipërisë. Ky aktivitet keqdashës kundër Shqipërisë vjen pas sulmit kibernetik të 15 korrikut të kryer nga qeveria e Iranit. Qeveria e SHBA po mbështet përpjekjet e Shqipërisë për të zbutur dhe rimëkëmbur”, thuhet në reagimin e NSA-së amerikane.
Prej dy ditësh pikat kufitare kanë rënë në një sulm kibernetik pas të cilit sipas qeverisë fshihet sërish Irani. Nga ora 20:00 e mbrëmjes së 9 shtatorit u raportuan probleme në sistemin TIMS në pikën kufitare të Kapshticës, ndërkohë më vonë u raportua për probleme dhe në pikën kufitare të Kakavijës dhe Rinasit.
Mesazhin i dërguar në kompjuterët e policëve në pikat e kalimit kufitar, ishte “Shqipëria po vuan dhe do të vuajë ende përkrahjen që i ka dhënë iranienëve të MEK”.
Dje, kryeministri Edi Rama akuzoi Iranin se fshihet pas këtij sulmi, ndërsa MB paralajmëroi se po punonte për ndaljen e sulmit.
The United States condemns the September 9th cyberattack against our NATO Ally, Albania. This malicious activity against Albania follows the July 15 cyberattack conducted by the Government of Iran. The U.S. government is supporting Albania’s efforts to mitigate and recover.
— National Security Council (@WHNSC) September 11, 2022
j.l./ dita
