Kryeministri Edi Rama i cilësoi sot ligësi, trillimet e akuzat e ngritura lidhur me sulmet kibernetike nga një shtet agresor.
Rama tha se këto akuza e trillime tregojnë po ashtu padijen e thellë mbi çështjen.
“Kënaqësia që pjell kaq shumë trillime, shpotitje dhe akuza lidhur me sulmet kibernetike nga një shtet agresor, përveçse për padije të thellë mbi fushën e përtaci të madhe ndaj informacionit, flet për një ligësi të neveritshme në raport me vendin e me njerëzit e këtij vendi!”, u shpreh kryeministri.
Sistemet e pikave kufitare u goditën nga një sulm kibernetik të premten, ndërsa u rikthyen në punë qysh prej mëngjesit të së dielës.
Po ashtu, në 15 korrik, vendi ynë u bë objekt i një sulmi të rëndë kibernetik, i cili kishte si objektiv shkatërrimin e infrastrukturës digjitale të Qeverisë, paralizimin e shërbimeve publike, si edhe grabitjen e të dhënave dhe të komunikimeve elektronike nga sistemet qeveritare.
Disa nga kritikat nuk janë politike z. Rama, por janë profesionale. Po qe për politikë, keni një “bravo”, për “e-albania” dhe po të ishte opozita në fuqi nuk e bënte dot sepse janë injorantë kalibri që dinë të mbushin vetëm xhepat e tyre. Por, duhej paralelisht me ngritjen e sistemit “e-albania” të bënit dhe mbrojtjen e këtij sistemi, sepse shkojnë paralelisht. Çështja është se nuk i kuptoni pasojat dhe nuk i vlerësoni sa duhet nxjerrja e identitetit të individit. Po jap si shëmbull, afishimin e numrave të kartave të identitetit në listat e votimeve, ku figurojnë edhe ata që nuk kanë mundësi që të votojnë! Ky është një absurditet naiv i klasit të lartë, që tregon që për ju ka më shumë rëndësi vota se sa publikimi I çdo individi dhe ekspozimi ndaj keqbërësve. Në amerikë, kjo është veper penale dhe as bankat nuk të kerkojnë numrin e plotë, por vetëm katër shifrat e fundit pér të të identifikuar. Pra shkurt, numri mbahet sekret nga individi, ndërsa ju çdo veprim e bëni më kartën e identitetit, madje edhe t’a fotokopjojnë! Kjo tregon që shumë gjëra nuk i dini dhe specialistët e IT-së tuaj janë në nivel të ulët profesional, pa eksperiencën e duhur. Këtu është si rregull që asnjeri nuk të punëson si punonjës i thjeshtë i IT-së pa patur minimumi 5vjet eksperiencë, ndërsa administratorët e IT-së duhet të kenë minimumi 20 vjet eksperiencë. Nuk pyesin shumë për shkollën, sepse e dinë që grada shkencore meret edhe tek “Kursali”. Ata kërkojnë eksperiencën, duke verifikuar punët e mëparëshme. Po ju veproni në këtë mënyrë?! Besoj se jo, përderisa keni punonjës që i publikoi pagat e punonjësve dhe ju e kthyet që duhet t’i themi “faleminderit”, sepse n’a tregoi mashtrimet me taksat. Ka forma të tjera për të kontrolluar taksat dhe jo të ndihmoheni nga një keqbërës, i cili duhej derguar pas hekurave, si shkelës i ligjit.
Kush i ka bere sulmet kibernetike?