Një punonjës policie në Dibër është sulmuar me sende të forta nga dy persona teksa ka qenë duke hyrë në portën e banesës së tij.
Policia bën me dije se ai ka qëlluar me armë zjarri në ajër për të ndaluar sulmin ndaj tij. Tashmë ka nisur puna për kapjen e autorëve të sulmit ndaj efektivit.
Njoftimi i policise:
Dibër/informacion paraprak
Rreth orës 13.35, në lagjen Kamen, Peshkopi, shtetasit D.S., dhe S.S, janë përfshirë në konflikt dhe kanë goditur me sende të forta duke i shkaktuar dëmtime shtetasit M.K(punonjës policie me detyrë Specialist Zone) i cili ka qenë duke hyrë në portën e banesës së tij.
Punonjësi i Policisë i ndodhur në rrezik për jetën, dyshohet se ka qëlluar në ajër me armë zjarri me qëllim ndalimin e mëtejshëm të sulmit ndaj tij.
Grupi hetimor nën drejtimin e Prokurorisë vijon punën për zbardhjen e shkaqeve të ngjarjes dhe kapjen e shoqërimin në Komisariat të autorëve të përfshirë në konflikt.
a.m/dita
