Një automjet është sulmuar gjatë natës në Shëngjin.
Mësohet se persona ende të paidentifikuar i kanë dëmtuar mjetin shtetases Alida Haxhia, e cila ka qenë anëtare e këshillit bashkiak Shkodër.
Ne momentin kur ka ndodhur ngjarja mësohet se mjeti ishte i parkuar poshtë pallatit, në të cilin banon Haxhia.
Si pasojë, makinës i janë thyer xhamat.
Denoncimi është bere nga pronarja e mjetit e cila ka njoftuar dhe policinë në lidhje me ngjarjen.
Policia po punon per zbardhjen e rrethanave te ngjarjes.
Në një prononcim për mediat, Haxhia tha se nuk ka konflikt me askënd dhe nuk e di kush e ka bërë.
Ajo u shpreh se policia e Lezhës ka ardhur pas dy orësh në vendin e ngjarjes.
“Kam një biznes privat në qytetin e Shkodrës, gjithashtu operoj edhe në pjesën e politikës shkodrane. Mbrëmë rreth orës 10 të darkës, kam parkuar makinën time me targa të huaja dhe sot në mëngjes pashë makinën time të masakruar nuk e di nga kush persona. Një dyshim timin personal e kam. Nuk e di ca ka ndodhur, problemi ka qenë gjatë periudhës së natës dhe asnjë person s’më ka lajmëruar se ca ka ndodhur. Policia pas dy orëve ka ardhur në vendngjarje. S’kam asnjë konflikt. Kërkoj që Policia e shtetit të marrë masa. Problemi imi vetëm është që gatishmëria e Policisë së Lezhës ishte katasrofike, zero përballë kërkesës së qytetarit”, tha Haxhia.
j.l./ dita
