Tahiri transferohet nga burgu i Fierit në atë të Lushnjes, pas kërkesës së familjarëve të tij

Ish ministri i Brendshëm Saimir Tahiri, siç duket nuk është i kënaqur me kushtet e burgut të Fierit.

Tahiri është duke u transferuar nga IEVP e Fierit në IEVP e Lushnjës. Transferimi kryhet pas kërkesës së familjarëve të tij.

Mësohet se ish ministri i Brendshëm, i cili qëndron në qelitë e këtij burgu, që prej muaj shkurt kur u dënua nga apeli i GJKKO-së, me 3.4 vite, ka kërkuar transferimin nga ky burg, dhe vuajtjen e dënimit në një burg tjetër të sigurisë së zakonshme.

Kërkesa e tij, për transferim tashmë është depozituar pranë Drejtorisë së Përgjithshme të Burgjeve dhe pritet që në ditët në vijim ai të transferohet në një ambient tjetër të IEVP-ve të vendit për të vuajtuar dënimin.

Tahiri ka kërkuar transferimin nga burgu i Fierit, për shkak të një konflikti që ai ka pasur me drejtorin e këtij institucioni.

Më 4 shkurt të këtij viti, Gjykata e Posaçme e Apelit për Korrupsionin dhe Krimin e Organizuar dënoi me vendim të formës së prerë ish-ministrin e Brendshëm, Saimir Tahirin. Gjykata dënoi me 5 vite burg Tahirin, por për shkak të gjykimit të shkurtuar përfitoi ulje dënimi, duke u dënuar përfundimisht me 3.4 vite burg.

Tre ditë pas vendimit, Tahiri la ambientet e paraburgimit 313 për tu transferuar në Fier, por pas gati 6 muajsh në këtë institucion, ish ministri i Brendshëm, ka kërkuar transferimin, ku do shkoje në Lushnje.

a.m/dita