Një burrë i dënuar për vrasje u qëllua nga babai i viktimës së tij duke shënuar edhe ekzekutimin e parë publik të talebanëve që nga kthimi i tyre në pushtet në Afganistan.
Sipas BBC, ky është rasti i parë zyrtar i raportuar nga autoritetet, teksa mendohet se ka pasur edhe të tjerë më parë.
Një zëdhënës i talebanëve tha se një burrë u var në një stadium sportiv të mbushur me njerëz në provincën jugperëndimore Farah pasi ai pranoi kryerjen e një vrasje.
Dhjetra liderë të grupit, duke përfshirë shumicën e ministrave të lartë në qeverinë e tyre, morën pjesë në ekzekutimin e tij.
Udhëheqësi suprem i talebanëve Haibatullah Akhundzada lëshoi dekretin muajin e kaluar, duke urdhëruar gjyqtarët të vendosin dënime që mund të përfshijnë ekzekutime publike.
Kjo shënon herën e parë që talebanët kanë pranuar publikisht kryerjen e një ekzekutimi.
Sipas talebanëve, i ekzekutuari i quajtur Tajmir, djali i Ghulam Sarëar dhe banor i provincës Herat, kishte goditur me thikë një burrë të quajtur Mustafa rreth pesë vjet më parë.
Ai u dënua më pas nga tre gjykata talebane dhe dënimi i tij u miratua nga Mullah Akhundzada. Para ekzekutimit është lëshuar një njoftim publik ku publikohet ngjarja dhe “kërkohet nga të gjithë qytetarët që ta ndjekin ekzekutimin”.
Nëna e personit që vrau me thikë Tajmir, tha për BBC se liderët talebanë i ishin lutur që ta falte burrin, por ajo kishte këmbëngulur për ekzekutimin e tij.
“Talibanët erdhën tek unë dhe më lutën që ta fal këtë të pafe”, tha ajo. “Ata insistojnë që ta fal këtë njeri për hir të Zotit, por unë u thashë që ky njeri duhet të ekzekutohet dhe të varroset njësoj siç bëri me djalin tim.
a.m/dita
