Kalimi i provimit të shtetit është hapi final për të siguruar lejen e ushtrimit të profesioneve të rregulluara, ku përfshihen profilet mjekësore, ato të mësuesisë, psikologut dhe veterinerit. Referuar përcaktimeve të bëra në ligjin për ushtrimin e këtyre profesioneve, çdo kandidat që aplikon për të dhënë provimin e shtetit do të duhet të shlyejë edhe një tarifë, e cila vjen në rritje sipas herës së pjesëmarrjeve në këtë testim.
Kështu, një kandidat që merr pjesë për herë të parë në provimin e shtetit, tarifa që duhet të shlyejë është në vlerën e 10,000 lekëve. Në rastet e moskalimit të këtij provimi, kur të japë sërish provimin, do të ketë një tarifë më të lartë, përkatësisht 12,500.
Rritja e tarifës arrin vlerën maksimale prej 25,000 lekësh kur në provim hyhet për herë të gjashtë.
Tarifat e përcaktuara për provimin e shtetit
- 10,000 lekë është tarifa për kandidatët që e japin për herë të parë provimin e shtetit.
- 12,500 është tarifa për kandidatët që e japin për herë të dytë provimin e shtetit.
- 15,000 është tarifa për kandidatët që e japin për herë të tretë provimin e shtetit.
- 17,500 është tarifa për kandidatët që e japin për herë të katërt provimin e shtetit.
- 20,000 është tarifa për kandidatët që e japin për herë të pestë provimin e shtetit.
- 25,000 është tarifa për kandidatët që e japin për herë të gjashtë, apo edhe më shumë provimin e shtetit.
p.k\dita
