Drejtoria e Tatimeve, në një shkresë dërguar tatimpaguesve në systemin e tyre E-filing i ka paralajmëruar subjektet që janë konsideruar me risk, pasi dyshohet që nuk deklarojnë pagat reale të punonjësve të tyre, që të reflektojnë deri në datën 20 nëntor.
Në të kundërt, subjektet me risk do të jenë objekt kontrolli dhe monitorimi të vazhdueshëm në periudhën në vijim. Shkresa u është dërguar 37.331 tatimpagues të identifikuar me risk në fushën e informalitetit të pagave pasi ata kanë një përqindje të lartë të punonjësve me pagë minimale dhe të profesioneve të specializuara me paga që nuk përputhen me tregun. Këta tatimpaguese pavarësisht njoftimit të pare të dërguar në fillim të muajit tetor nuk kanë reaguar ende.
“Nga analiza e të dhënave që Administrata Tatimore ka kryer bazuar në vetëdeklarimin që keni bërë në muajin shtator 2024, rezulton se në listëpagesën tuaj ka përqindje të lartë të punonjësve me pagë minimale dhe të profesioneve të specializuara me paga që nuk përputhen me tregun.
Për këtë arsye, Administrata Tatimore ju konsideron subjekt me risk në fushën e informalitetit të pagave!
Në datën 1 tetor 2024, Administrata Tatimore ju është drejtuar me një mesazh të personalizuar, në llogarinë tuaj në e-Filing, nëpërmjet të cilit ju inkurajonte të deklaronit me saktësi dhe vërtetësi pagat e punonjësve tuaj brenda 20 tetorit 2024, por ju nuk keni reflektuar pavarësisht njoftimit.
Sa më lart, Administrata Tatimore falë qasjes këshilluese, në zbatim të fushatës ndërgjegjësuese që ka ndërmarrë ju jep një mundësi të dytë për të deklaruar me saktësi dhe vërtetësi në listëpagesën e radhës, datë 20 nëntor, për të korrigjuar situatën tuaj.
Nëse kjo nuk ndodh edhe pas njoftimit të dytë, ju bëjmë me dije se ju do të jeni objekt kontrolli dhe monitorimi të vazhdueshëm në periudhën në vijim.
Ju kujtojmë se: “Deklarimi i pavërtetë i këtyre të dhënave përbën shmangie tatimore dhe si i tillë përbën kundërvajtje administrative dhe penale, sipas Ligjit 9920/2008, ‘Për Procedurat Tatimore në RSH’, i ndryshuar dhe Ligjit Nr. 7961, datë 12.7.1995 ‘Kodi i Punës i Republikës së Shqiperisë’ i ndryshuar”!
Besimplotë se kjo përpjekje e përbashkët do të gjejë mirëkuptimin dhe vlerësimin tuaj për të vendosur barazi sociale për punonjësit dhe do të ulë informalitetin e pagave”, thuhet në letrën e firmosur nga drejtori i tatimeve, Ilir Bina.
Në fillim të muajit tetor Administrata Tatimore u nisi subjekteve një mesazh sensibilizues, në kuadër të nismës së Qeverisë Shqiptare, për hartimin e një Plani Kombëtar që garanton pagesën e Sigurimeve Shoqërore dhe Shëndetësore për pension të sigurt në të ardhmen.
Tatimet njoftuan se, do të vlerësojnë, analizojnë, evidentojnë dhe trajtojnë të gjitha rastet e fenomeneve dhe tatimpaguesve me risk në këtë fushë. Ajo do të monitorojë të dhënat që vetë subjektet deklarojnë, do të kryqëzojnë informacionin nëpërmjet sistemeve informatike që disponon, si dhe me palë të treta për çdo informacion që lidhet me punonjësit.
Drejtoria e Tatimeve bëri të ditur një ditë më parë se pas njoftimit të përgjithshëm (pop up) 130 mijë tatimpaguesve në Republikën e Shqipërisë, të regjistruar deri në fund të shtatorit 2024, rreth 9.000 tatimpagues kanë reaguar pozitivisht duke reflektuar saktësi në deklaratatat e listëpagesave të tyre, pas njoftimit të parë të Administratës Tatimore, duke rritur fondin e deklaruar të pagave me një total prej 1.25 miliard lekësh.
Sigurimet shoqërore nuk janë tatime, janë paratë private që Edvin drogaxhiu i vjedh
Hajdeni do merrni ju kusurin e edrogës, një p….. ballit
Qeveria dhe tatimet kane hapur nje numer telefoni falas per te denoncuar mosdeklarimin e pagave.
Ja origjina e oligakëve të soçëm. Ata janë grabitës të gjithë pasurisë kombëtare në bashkëpunim me të ashtuquajtur politikanë. Grabitën, miniera, gurore, fabrika, uzina, kantjere ndërtimi hidrocentrale, arsenalin ushtarak të shtetit shqiptar, fondet e ambasadave shqiptare në vend të huaj, shpërdoruan të gjithë teknologjinë bashkëkohore që ishte importuar, nëndetëset, dhe mbas kësaj me firmat piramidale e veshën lakuriq dhe i lanë vetëm shpirtin. Mbas kësaj tragjeditë e popullit tim ishin të panumërta. Vrasje, vetëvrasje, depresion në masë, njërëz që kaluan në drama familjare, spitalet filluan të mbusheshin me të sëmure psiqikë. Të rinjtë filluan të merrnin rrugët e mërgimit se shpresa për të jetuar kish humbur.
Tani rrëmbyesit u bënë oligarkë dhe politikanë që në kohën e sotme janë bërë një shtresë e privilegjuar e shoqërisë shqiptare që jetojnë në lluks që nuk mund ta shihnin në ëndërr. Dhe janë pikërisht këto që kryeministri duket se i kërkon lëmoshë për të moshuarit, për të moshuarit e ndershëm që me gjakun e djersën e tyre u pasuruan këta oligarkë
Kapital i këtyre oligarkëve nuk ishte djersa e baballarëve te tyre por,djersa dhe gjaku i pensionistëve të sotëm që kryeministri i vendit i kërkon lëmoshë për ta. Por ka qenë pikërisht politikanët që e kanë poshtëruar këtë popull. Ja dhe vjedhja e floririt nga Berisha dhe më vonë Meta çfarë ishte.?ja si është luajtur me këtë popull dhe fëmijët e tyre kështu po vazhdojnë. Mësoni o të rinj historinë 30 vjeçare që të orientoheni drejt në vendimmarrjet e juaja në jetë kudo qofshit!
Si ta kuptoj shifren 37.5 mije bisnese?
Pyetje me vend
Ooo popull sa shum gjera been ne kurizin tend