Kryeministri ri i Britanisë së Madhe, Rishi Sunak pas marrjes së detyrës paralajmëroi deputetët e tij se konservatorët duhet të “bashkohen ose të vdesin” përballë një sfide të thellë ekonomike.
Në fjalimin e tij të parë, Sunak tha se bashkimi i partisë së tij dhe Mbretërisë së Bashkuar do të ishte “përparësia e tij më e madhe”.
Sunak premtoi të shërbente me “integritet dhe përulësi” në Britaninë e madhe.
Ai vlerësoi paraardhësen e tij, Truss se i ka shërbyer kombit me “dinjitet” gjatë “rrethanave jashtëzakonisht të vështira”.
Ai tha se ishte “i përulur dhe i nderuar” që u zgjodh si kryeministër i ardhshëm, të cilin ai e përshkroi si “privilegjin më të madh të jetës”.
“Mbretëria e Bashkuar është një vend i mrekullueshëm, por nuk ka dyshim se ne përballemi me një sfidë të thellë ekonomike,” shtoi ai gjatë fjalimit ku nuk pranoi asnjë pyetje mediatike.
“Tani kemi nevojë për stabilitet dhe unitet dhe unë do ta bëj prioritetin tim më të madh të bashkoj partinë tonë dhe vendin tonë”, tha Sunak.
a.m/dita
