Të dielën qytetarët grekë u drejtohen sërish kutive të votimit pasi në raundin e parë asnjëra parti nuk arriti të siguronte shumicën qeverisëse.
Nga mitingu i Selanikut lideri i konservatorëve Kyriakos Mitsotakis ftoi qytetarët në pjesëmarrje masive në zgjedhje për një qeveri të pavarur, të fortë dhe të qëndrueshme për të përballuar sfidat e së ardhmes.
“Nuk do të mungojnë sfidat e rrezikshme në katër vitet e ardhshme. Çështja e emigracionit, e patë, po ndizet sërish. Ashtu si edhe një Turqi e paparashikueshme, një fqinj që ju kujtoj tani se ka një udhëheqje të qëndrueshme. Prandaj, përgjigja greke duhet të jetë një zgjedhje e sigurisë kombëtare dhe e zhvillimit kombëtar“, u shpreh Kyriakos Mitsotakis, lideri i Demokracia e Re.
Rivali i tij Alexis Tsipras kërkoi votën për të parandaluar, një “regjim të pakontrollueshëm dhe një demokraci të stilit të kryeministrit hungarez Viktor Orban.
Në ditët e fundit të fushatës është vënë re një polarizim i klimës politike në çështja të tilla si emigracioni, minoriteti mysliman në Trakë, ekonomia dhe shëndetësia.
Në zgjedhjet e së dielës Mitsotakis shpreson për një mazhorancë absolute. Ai ka hedhur poshtë kategorikisht idenë e formimit të një koalicioni dhe ka paralajmëruar vazhdimisht se, nëse është e nevojshme, grekët do të duhet të shkojnë sërish në zgjedhje në gusht.
o.j/dita
