Ju duket vetja më rehat në ofiçinë sesa në shtëpi, dhe mekaniku është shndërruar në mikun tuaj më të ngushtë? Me siguri automjeti juaj i përket një nga atyre modeleve të evidentuara në raportin e gjermanes Adac (Allgemeiner Deutscher Automobil-Club), një nga klubet automobilistike më të njohura në botë.
Raporti ka përcaktuar ndër vite mjetet më të sigurta si dhe ato modele që kanë nevojitur më shumë kohë për t’u riparuar.
Modelet më defektoze në vitet e fundit kanë qenë, sipas raportit, Opel Insigna në vitet 2015-2017, Seat Alhambra nga 2014 në 2016, Volkswagen Sharan nga viti 2012 në 2015, modelet e para të Hyundai i20 në 2012-2014, dhe Renault Clio në periudhën 2014-15. Pa harruar mjete si Reanult Scenic në 2017, Smart ForFour në 2015, dhe Toyota Corolla dhe Ford Transit në 2019.
Defekti më i shpeshtë, me diferencë të madhe nga të tjerët, eshte bateria, më pas vijnë problemet e karrocerisë, frenave, telajos me rreth 14.8%, ndërkohë që problemet me sistemin e ndriçimit rritet në mënyrë të ndjeshme pas vitit të katërt të përdorimit.
Ashtu siç ka modele ose vite më problematike, ka edhe emra virtuozë, për sa i përket sigurisë dhe mungesës së riparimeve të shpeshta.
Raporti citon modele të vogla dhe të mesme si Mitsubishi ASX, Volvo XC40, BMW Seria 2, BMW X1 dhe X2, ndërkohë që nga modelet më të fuqishme spikasin Volvo XC60, Audi Q5, Audi A5, e Mercedes Benz GLC, deri tek Volkswagen Touareg, BMW Seria 5 dhe X5, Audi A6 dhe Mercedes E Klas.
j.l./ dita
