Zëvendëskryeministri serb Aleksandar Vulin deklaroi në ditën e fundit të samitit të BRICS në Kazan se kjo organizatë ka një detyrim historik për të përmbushur shpresat e ngritura dhe për të forcuar bashkëpunimin kundër terrorizmit, ekstremizmit dhe “revolucioneve me ngjyra.”
Gjatë pjesëmarrjes në seancën plenare të samitit, të kryesuar nga presidenti rus Vladimir Putin, Vulin theksoi se ndryshimet globale të shkaktuara nga unipolariteti kanë afruar botën “në prag të shkatërrimit” dhe se BRICS ka një rol të rëndësishëm për rivendosjen e ekuilibrit dhe të një sistemi ndërkombëtar me rregulla të qarta.
“BRICS ka detyrimin historik për të justifikuar shpresën që ka zgjuar, të punojë për forcimin e bashkëpunimit në luftën kundër terrorizmit, ekstremizmit dhe revolucioneve me ngjyra, përmes të cilave Perëndimi anulon vlerat demokratike dhe vendos qeveri që shndërrojnë vendet e tyre në koloni“, tha ai.
Vulin shtoi se termat “Jugu Global” dhe “Perëndimi Global” nuk përcaktojnë vetëm gjeografi, por vlera të përbashkëta që bashkojnë pjesëmarrësit e samitit, duke theksuar se takimi i gjashtëmbëdhjetë i BRICS ka treguar që është “e pamend” të besohet se Rusia mund të izolohet, Kina të frikësohet ose Serbia të pengohet të zgjedhë miqtë e saj.
“Fuqia e pakufizuar u kthye në krim kur NATO sulmoi Serbinë në 1999, pa kërkuar miratimin e Kombeve të Bashkuara, me forcën si justifikim të vetëm. NATO atëherë u përpoq të shkatërronte Serbinë, por Serbia mbijetoi. Megjithatë, ai veprim shkatërroi të drejtën ndërkombëtare”, shtoi Vulin.
Në margjinat e samitit, i cili u mbajt nga 22 deri më 24 tetor, Vulin falënderoi shërbimet speciale ruse për informimin e hershëm mbi përgatitjet e trazirave të 10 gushtit, që synonin përmbysjen e udhëheqjes së Serbisë.
j.l./ dita
Sander Vulin duhet medoemos ti beje nje nder Ed Rames per hater te vellazerise me Sander Vucicin – ta listoje edhe Shqiperine si te Putin si Koloni te Perendimit qe pastaj Perendimi ta kete nen sqetull Ramen edhe me tej si kolonizator te vendit tij.
Ik more jevg i serbizar dhe jevgu kur flet për shtet dhe guxim i vetmi shtet në histori botërore që kapituloi vetëm me sulme nga ajëri dhe ky qenka shtet i fortë dhe i guximshëm jeni mësua ju me ba luftra me popullata civile
BRICS eshte pjelle e amerikes.
Pa kundershtare nuk ka zhvillim bota.
Eshte materializmi dialektik e historik.
Uniteti I te kundertave.
Bota ka ligjet e saj qe zbaton amerika.