Plagoset me armë zjarri një person në Shkodër.
Ngjarja ka ndodhur mëngjesin e sotëm te zona e këmbimit valutor.
I plagosuri është qëlluar 4 herë me armë zjarri nga një person, i cili lëvizte me biçikletë.
Bëhet fjalë për shtetasin Aleksandër Curri, 40 vjeç.
Curri është transportuar në spital, në gjendje të rëndë shëndetësore.
Ende nuk dihet se kush është autori.
Një grua, e cila i dha ndihmën e parë Currit tha se i plagosur eci në këmbë për disa momente dhe u shtri në tokë.
Ajo i dha ndihmën e parë, teksa u shpreh se ai ishte i plagosur në stomak.
“Iku me vrap, ra aty. I dhashë ndihmën. Isha këtu duke lypur, shkova me vrap atje, e pashë që ra në tokë. Unë nuk e njoh. Sa shkova unë, më tha; më jepni ndihmë. Erdhi polici rrugor, i dha ndihmën. Në stomak e kishte problemin, këtu e kishte plagën, gjak shumë. Në këmbë, ka ikur me atje me vrap dhe u fut në qoshe, nuk di gjë tjetër. Unë, askush nuk i dha ndihmën e parë. E pashë dhe e ndihmova”, deklaroi ajo.
j.l./ dita
