Të shtëna me armë zjarri janë regjistruar mbrëmjen e djeshme në një lokal në lagjen “8 Shkurti” në Fier pas një konflikti për arsye ende të paqarta mes dy personave.
Të përfshirë në këtë ngjarje janë Romeo Çako 33 vjeç dhe Mariglen Sinaj.
Dyshohet se 33-vjeçari të ketë qëlluar me armë në dysheme të lokalit.
Sakaq, policia po vijon kontrollet për kapjen e dy personave të përfshirë si dhe po punohet për zbardhjen e plotë të rrethanave të rastit.
“Rreth orës 21:30, në një lokal në lagjen “8 Shkurti”, dyshohet se pas një konflikti midis shtetasit R. Ç., 33 vjeç, dhe shtetasit M. S., shtetasi R. Ç. ka qëlluar me armë zjarri në dyshemenë e lokalit.
Shërbimet e Policisë vijojnë kontrollin në zonë për kapjen dhe shoqërimin e dy personave të përfshirë në konflikt.
Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes”, njofton policia.
j.l./ dita
