Sa vijnë e shtohen fituesit në Telebingo Shqiptare. Edhe në shorteun e radhës të ditës së djeshme, me mijëra fitues nga e gjithë Shqipëria kanë siguruar çmimet dhe dhuratat e preferuara të lojës më popullore të fatit në vend.
Sikundër është bërë traditë tashmë, shpallja e fituesve ka nisur me lojën e ruletës së fatit, në të cilën përgjatë ditës së djeshme janë shpërndarë mbi 4 milionë lekë (të vjetra). Në ruletën e fatit dje kanë luajtur dhjetë fituesit e çmimit tradicional prej 20,000 lekësh të përzgjedhur në shorteun e datës 10 korrik , ku Selami ka fituar shumën prej 34,000 lekësh, Igli 27,000 lekë, Lumturia 27,000 lekë, Halili 101,000 lekë, Dritani 34,000 lekë, Veli 21,000 lekë, Hanife 30,000 lekë, Sahide 35,000 lekë, si dhe Daniela 100,000 lekë.
Surpriza të shumta kanë shoqëruar edhe lojën telefonike me dhuratat dhe çmimet e fshehura në zarfe, ku të gjithë të përzgjedhurit si fitues kanë tentuar të gjejnë çmimet më të preferuara makinën “Fiat”, si dhe “Rrogën 2-vjeçare Telebingo”, fituesi i të cilës për dy vite me rradhë, do të marrë çdo muaj rrogën e garantuar prej 50,000 lekësh.
Klesti ishte fituesi i parë që ka luajtur me zarfet, ku dhe ka siguruar shumën prej 75,000 lekësh. Fati i ka buzëqeshur më së miri edhe fituesit të radhës. Kësaj here bëhet fjalë për Petritin, i cili me mbajtjen e zarfeve më të preferuara ka fituar krahas shumës prej 25,000 lekësh, edhe çmimin e “100 sekondave në supermarket”, ku gjatë kësaj kohe do të mund të marrë të gjitha produktet e tij më të pëlqyera. Më tej Ema në Durrës ishte një tjetër fituese që ka siguruar shumën prej 55,000 lekësh. Fatma në Tiranë ka vijuar të luajë me lojën telefonike, duke siguruar shumën prej 65,000 lekësh. Behari ka siguruar nga loja telefonike shumën prej 55,000 lekësh. Një tjetër fitues, kësaj here në qytetin e Fierit ka vijuar të luajë me lojën telefonike ku dhe ka siguruar 100,500 lekë. Ndërsa Gëzimi në Korçë në vijim ka siguruar shumën prej 55,000 lekë. I fundit që ka tentuar të gjejë zarfet se ku mund të fshihej makina apo “Rroga Telebingo” ishte Sokoli në qytetin e Vlorës. Ndonëse nuk i ka qëlluar në shenjë këto çmime, me mbajtjen e zarfeve më të preferuara, Renato ka siguruar shumën prej 65,000 lekësh.
Pas fituesve të lojës telefonike është hedhur edhe shorti i goglave për çmimin e madh të javës, që ka kapur vlerën e 1,028,900 lekëve. Seria e numrave të përzgjedhur ka treguar se çmimi i madh i javës ndalet në kryeqytet ku dhe rezulton të jetë blerë bileta fituese. Shorti i goglave ka përzgjedhur edhe mijëra fitues të tjerë nëpërmjet serisë me një linjë dhe dy linja. Kështu, në shorteun e ditës së djeshme janë shpallur si fitues të serisë me një linjë edhe 5228 lojtarë të tjerë, që sigurojnë nga Telebingo shumën 115 lekë. Fitues të serisë me dy linja janë shpallur edhe 41 lojtarë, ku secili prej tyre siguron shumën prej 9480 lekësh. Fitues të një bilete janë edhe të gjithë lojtarët që kanë numrin 8, të përcaktuar si numër fati në biletën e tyre.
Lista e fituesve është zgjeruar edhe më tej, ku në Telebingo është paraqitur edhe fituesi i çmimit të madh të javës së shkuar, i cili ka tërhequr çekun me shumën mbi 4 milionë lekë të vjetra.
Në vijim të shkrimit do të gjeni të detajuara informacionet e plota mbi fituesit e shpallur në shorteun e djeshëm të Telebingos. Ditën e mërkurë, në orën 12:00, fituesit mund të paraqiten për të tërhequr dhuratat dhe çmimet pranë zyrave të Telebingo Shqiptare në adresën: Nacional sh.a. Rr. “Qamil Guranjaku”, Vila 9/1.
