Telebingo Shqiptare do të vijojë edhe gjatë muajit korrik të dhurojë miliona pa fund për të gjithë lojtarët e saj. Duke nisur nga shorteu i datës 2 korrik, e deri në fund të muajit, Telebingo do të zhvillohet në orën 18:00, duke shëtitur në qytete të ndryshme të vendit. Ndaj nxitoni të blini biletën tuaj të fatit, për të qenë ju fituesit fatlumë të milionave në Telebingo.
Fituesit e ditës së djeshme
Me mijëra fitues nga të gjitha qytetet në vend, i janë bashkuar edhe gjatë ditës së djeshme lojës më popullore të fatit. Shpallja e fituesve ka nisur me lojën e “Rrotës së Fatit”, në të cilën janë fituar mbi 4.5 milionë lekë të vjetra.
Fillimisht në këtë lojë, kanë luajtur fituesit e shorteut të datës 18 qershor. Konkretisht, nga kjo lojë, Vasili ka marrë shumën prej 34,000 lekësh, Pëllumbi 27,000 lekë, Besniku 32,000 lekë, Sadiku 26,000 lekë, Nuriani 35,000 lekë, Nole 106,000 lekë, Nevruzi 28,000 lekë, Agimi 27,000 lekë, Skënderi 27,000 lekë, Brikela 24,000 lekë, si dhe Doriana 103,000 lekë. Gjithashtu, janë përzgjedhur edhe 10 fitues të tjerë të çmimit tradicional prej 20,000 lekësh, të cilët do të luajnë sërish në shorteun e datës 2 korrik për të fituar dy çmimet e mëdha prej 100,000 lekësh, si dhe shumat e tjera surprizë të “Rrotës së Fatit”.
Kanë qenë të shumtë fituesit e lojës telefonike që kanë tentuar të gjurmojnë zarfet me çmimet e preferuara, që janë: 3 “Rroga Telebingo”, apo çmimin e “Super Peta”, të cilat do të jenë në lojë çdo javë.
Përzgjedhja rastësore e kontrabiletave ka shpallur Maksimin në kryeqytet si fituesin e parë të lojës telefonike me çmimet dhe dhuratat e fshehura në zarfe, ku dhe ka siguruar 70,000 lekë. Sokoli në Laç ishte fituesi i radhës që ka siguruar shumën prej 125,000 lekësh. Dhimitraqi në Fier në vijim ka siguruar nga loja telefonike 75,000 lekë. Një tjetër fituese i është bashkuar Telebingo Shqiptare. Kësaj here bëhet fjalë për Alketën në Elbasan, e cila ka siguruar 70,000 lekë.
Loja është zhvendosur më pas në kryeqytet, duke shpallur Ramadanin si fitues të 1 milionë lekëve të vjetra. Po kaq ishte shuma që ka fituar edhe Marika në vijim të lojës telefonike. Ndërsa Albani në Tiranë ka siguruar 65,000 lekë dhe Hysniu në Durrës 55,000 lekë.
Lista e fituesve është zgjeruar edhe më shumë me hedhjen e shortit të goglave për çmimin e madh të javës që lamë pas, i cili ka mbërritur në shifrën e 1,000,950 lekë. Seria e numrave të përzgjedhur e ka ndalur çmimin e madh në Peshkopi, ku dhe rezulton të jetë blerë bileta fituese. Nga shorti i goglave janë përzgjedhur si fitues të serisë me një linjë 17110 lojtarë, ku secili prej tyre siguron nga kompania e Telebingos shumën prej 50 lekësh, ndërsa fitues të serisë me dy linja janë shpallur 374 lojtarë të tjerë, ku secili prej tyre siguron 890 lekë. Fitues të një bilete janë edhe të gjithë ata lojtarë që kanë numrin 3 të përcaktuar si numër fati në biletën e tyre.
Në vijim të shkrimit do të gjeni të detajuara informacionet e plota mbi fituesit e shpallur në shorteun e djeshëm të Telebingos. Ditën e mërkurë, në orën 12:00, fituesit mund të paraqiten për të tërhequr dhuratat dhe çmimet pranë zyrave të Telebingo Shqiptare në adresën: Nacional sh.a. Rr. “Qamil Guranjaku”, Vila 9/1.
