Ndonëse disa deputetë demokratë u përjashtuan nga seanca plenare e së hënës për shkak të sjelljeve jo etike, edhe këtë herë ka pasur episode të tilla në Kuvend.
Njëri prej deputetëve demokratë ka nisur t’i bjerë bilbilit, ndërsa Ermonela Felaj po diskutonte me Oerd Bylykbashi që ndodhej në Foltore.
Në një moment, Edmond Spaho ka tentuar që të shkojë pranë foltores dhe duke i rënë bilbilit.
“Mund ta bëni këtë sjellje nëse mendoni se ju shkon thinjave tuaja vazhdoni..”, thotë Felaj.
Kujtojmë që Sali Berisha, Edi Paloka, Bellind Këlliçi dhe Flamur Noka u përjashtuan për sjellje jo etike dhe zhurmën që shkaktuan në Kuvend.
Ndërkohë Sali Berisha ka thirrur protestë para parlamentit, mbështetur nga aleati i tij në opozitë Ilir Meta.
Një numër i bogël pjesëmarrësish ndodhen në protestë, siç shihet edhe nga pamjet me dron.
Protesta po mbahet paralelisht me seancën plenare, ku në sallë mungojnë disa prej deputetëve të PD.
j.l./ dita
