Policia e Tiranës ka dhënë të tjera detaje në lidhje me grabitjen e filialit të FiBank një ditë më parë në Tiranë. Në njoftimin zyrtar policia thekson se, autori Bardhyl Fusha 61 vjeç arriti që të marrë 8 milionë lekë të vjetra.
Ngjarja ndodhi në rrugën “Muhedin Llagami”, ku autori, i cili rezulton se është sipërmarrës në ndërtim hyrë në ambientet e bankës, me armë zjarri automatik, dhe ka marrë 800 000 lekë. Uniformat blu bëjnë me dije se në cilësinë e provës materiale u sekuestrua arma e zjarrit dhe shuma e parave të vjedhura.
“Specialistët për Hetimin e Krimeve ndaj Pronës dhe Jetës, në bashkëpunim me shërbimet e Komisariatit të Policisë Nr. 2, vunë në pranga shtetasin B. F., 61 vjeç, pasi dje, në rrugën “Muhedin Llagami”, ka hyrë në ambientet e një banke, me armë zjarri automatik, dhe ka marrë 800 000 lekë. Në cilësinë e provës materiale u sekuestrua arma e zjarrit dhe shuma e parave të vjedhura”, njofton policia.
j.l./ dita
