Shërbimi Sekret i Shteteve të Bashkuara njoftoi se agjentët e tij qëlluan për vdekje një të ri rreth 20 vjeç, i cili tentoi të depërtonte në mënyrë të paligjshme në perimetrin e sigurisë së resortit Mar-a-Lago, pronë e presidentit amerikan Donald Trump.
Sipas njoftimit zyrtar të United States Secret Service, incidenti ndodhi në zonën e West Palm Beach, në shtetin e Floridës, kur i riu u përpoq të hynte në zonën e rrethuar me masa të larta sigurie. Agjentët reaguan duke hapur zjarr, duke e lënë të vdekur në vend.
Identiteti i të riut mbahet i fshehur deri në njoftimin e familjes së tij. Ai u pa pranë portës veriore të pronës duke mbajtur një armë tip shotgun dhe një kanister karburanti.
Agjentët konfrontuan të riun dhe gjatë përplasjes u hap zjarr nga autoritetet. Asnjë agjent i Shërbimit Sekret apo anëtar i PBSO-së nuk u lëndua, dhe në vendngjarje nuk kishte persona të mbrojtur nga Shërbimi Sekret në momentin e incidentit. Ndërkohë, presidenti Trump ato moment ndodhej në Shtëpinë e Bardhë.
Hetimi mbi incidentin, përfshirë sfondin e personit, veprimet, motivin e mundshëm dhe përdorimin e forcës, po kryhet nga FBI, Shërbimi Sekret i SHBA-së dhe Policia e Qarkut Palm Beach. Sipas politikave të agjencisë, agjentët e përfshirë janë vendosur në leje administrative rutinë deri në përfundimin e hetimeve.
Ndërkohë, presidenti Trump ndodhet këto ditë në Uashington dhe nuk ishte i pranishëm në resort në momentin e ngjarjes.
j.l./ dita
