Policia e Sarandës ka vënë në pranga një 33-vjeçar për vjedhje.
I riu u kap në flagrancë në rrugën “Butrinti”, në lagjen nr.1, Sarandë, duke tentuar të vidhte një automjet tip “Benz”, të parkuar në këtë rrugë.
Ndërkohë që nga hetimet, policia bën me dije se ka zbardhur edhe 1 vjedhje tjetër të kryer më parë nga ky shtetas, në qytetin e Sarandës.
“Në vijim të punës për parandalimin dhe zbardhjen e vjedhjeve, identifikimin dhe vënien para përgjegjësisë ligjore të autorëve, specialistët për Hetimin e Krimeve të Komisariatit të Policisë Sarandë arrestuan në flagrancë shtetasin F. O., 33 vjeç, banues në Tiranë. Ky shtetas është kapur në flagrancë, Nga hetimet ka rezultuar se ky shtetas është autor edhe i një tjetër rasti të vjedhjes të pronës, konkretisht më datë 29.03.2023, ka vjedhur një shumë parash, në një banesë. Materialet iu referuan Prokurorisë, për veprime të mëtejshme, për veprën penale “Vjedhja”, njofton policia.
p.k\dita
