Një tentativë për vjedhje ka ndodhur në orët e para të mëngjesit të sotëm në Kuçovë.
Mësohet se një 52-vjeçar me emrin Lefter Brisku, tentoi që të hyntë në një banesë për të vjedhur pula. Ngjarja ndodhi në lagjen ’11 Janari’ pranë varrezave të qytetit.
Por pronarët e shtëpisë janë ngritur nga gjumi për shkak të zhurmës që është krijuar dhe kanë kapur Briskun në kotecin e pulave.
Ndaj tij është ushtuar dhunë nga djali i pronarëve të shtëpisë.
Fillimisht Brisku është dërguar në spitalin e Kuçovës për të marrë ndihmë mjekësore.
Por për shkak të gjendjes së rëndë dhe frakturave që ka pësuar në kokë nga dhuna, 52-vjeçari është dërguar në Spitalin e Traumës për të marrë ndihmë mjekësore më të specializuar.
j.l./ dita
