Lihen në burg 2 nga të arrestuarit për mashtrimin me sms të një biznesmeni në vlerën e 100 mijë eurove duke u hequr si zyrtar i lartë. I shkuajtën në aplikaconin telegram Ram Gecit në emer të Erion Veliajt.
Gjykata e Tiranës la në burg Bedri dhe Albert Vodhën (babë e birr), të arrestuar për një skemë mashtrimi përmes përdorimit të emrave të zyrtarëve të lartë.
Shënjestër e skemës ka qenë biznesmeni i njohur Ramë Geci të cilit i ka mbërritur një mesazh në aplikacionin “Telegram” nga një numër telefoni anglez.
Teksti i mesazhit të dërguar biznesmenit ishte “Lali jam, e di si e kam situatën në këto kohë, a ke mundësi për 100?”
Pas kallëzimit të biznesmenit, policia dhe prokuroria morën në dorë komunikimin me mashtruesit duke i dërguar mesazhin karrem: “Nuk kam 100, 70 të bëjnë punë”?
Pasi mashtruesit kanë shprehur dakordësi, është lënë një takim për marrjen e shumës së parave në zyrën e biznesmenit Geci.
Në këtë moment, kanë ndërhyrë forcat e policisë duke bërë arrestimin e babë e bir në flagrancë.
Gjatë seancës për caktimin e masës së sigurisë Bedri dhe Albert Vodha kanë mohuar akuzat duke pretenduar se “nuk kanë patur dijeni” dhe se ishin udhëzuar të takoheshin “me dikë tjetër”.
Gjykata caktoi masën arrest me burg në mungësë edhe për Florian Gjergjin që dyshohet të jetë një nga organizatorët e kësaj skeme.
Shënjestër e një mashtrimi të tillë më herët kanë qenë edhe biznesmenë të tjerë, të cilëve mashtruesit u janë prezantuar në aplikacionet Signal dhe Telegram si zyrtarë të lartë.
o.j/dita
