Shtetet e Bashkuara kanë vrarë liderin e al-Kaedës, Ayman al-Zawahiri, në një sulm me dron në Afganistan, ka konfirmuar presidenti Joe Biden. Ai u vra në një operacion kundër terrorizmit të kryer nga CIA në kryeqytetin afgan, Kabul.
Presidenti Joe Biden ka dalë në një deklaratë për shtyp nga Shtëpia e Bardhë për të njoftuar se udhëheqësi i al-Kaidës, Ayman al-Zawahri është vrarë në një sulm me dron amerikan në Kabul, një operacion që ai tha se dha drejtësi dhe shpreson se “një masë tjetër mbylljeje” për familjet e viktimave të sulmet e 11 shtatorit 2001 në Shtetet e Bashkuara.
Presidenti tha se zyrtarët e inteligjencës amerikane gjurmuan al-Zawahri në një shtëpi në qendër të Kabulit, ku ai ishte fshehur me familjen e tij. Presidenti miratoi operacionin javën e kaluar dhe ai u krye të dielën.
“Ai kurrë më, kurrë më, nuk do të lejojë që Afganistani të bëhet një strehë e sigurt e terroristëve sepse ai është larguar dhe ne do të sigurohemi që asgjë tjetër të mos ndodhë”- tha Biden duke shtuar: Drejtësia është vënë dhe ky lider terrorist nuk është më”, tha Biden.
Zawahiri mori drejtimin e Al-Kaedës pas vdekjes së Osama Bin Ladenit në vitin 2011. Ai dhe Bin Laden komplotuan së bashku sulmet e 11 shtatorit dhe ai ishte një nga “terroristët më të kërkuar” të SHBA-së. Zyrtarët thanë se Zawahiri ishte në ballkonin e një shtëpie të sigurt kur droni qëlloi dy raketa drejt tij. Anëtarët e tjerë të familjes ishin të pranishëm, por ata ishin të padëmtuar dhe vetëm Zawahiri u vra në sulm.
Kush ishte Ayman al-Zawahiri?
Ayman al-Zawahiri ishte truri ideologjik i Al-Kaedës. Ai ishte mjek egjiptian i cili u burgos në vitet 1980 për përfshirje në islamin militant. U largua nga vendi pas lirimit të tij dhe u përfshi në lëvizje të dhunshme xhihadiste ndërkombëtare.
Përfundimisht ai u vendos në Afganistan dhe bashkoi forcat me një saudit të pasur, Osama Bin Laden. Së bashku ata i shpallën luftë SHBA-së dhe organizuan sulmet e 11 shtatorit 2001. U desh një dekadë që Bin Laden të gjurmohej dhe të vritej nga SHBA. Pas kësaj, Zawahiri mori drejtimin e Al-Kaedës, por ai u bë një figurë e largët dhe margjinale, duke lëshuar vetëm mesazhe herë pas here.
Shtetet e Bashkuara e kanë shpallur vdekjen e tij si një fitore, veçanërisht pas tërheqjes kaotike nga Afganistani vitin e kaluar, por Zawahiri pati një ndikim relativisht të vogël pasi grupet dhe lëvizjet e reja si Shteti Islamik janë bërë gjithnjë e më me ndikim. Një lider i ri i Al-Kaedës pa dyshim do të shfaqet, por ai ka të ngjarë të ketë edhe më pak ndikim se paraardhësi i tij, shkruan BBC.
j.l./ dita
Saliu s’e ka bo akoma veten per ta vra me dron.