Një makinë elektrike ka arritur një moment historik për herë të parë: Kryeson renditjen e makinave më të shitura në të gjithë planetin. Dhe, sigurisht, duhej të ishte një model “Tesla”. Bëhet fjalë për “Tesla Model Y”, si lider botëror. Makina kishte arritur të kryesonte listat e shitjeve në Europë në tremujorin e parë të 2023, por sipas të dhënave nga “JATO Dynamics”, tani ka shkuar një hap më tej dhe ka tejkaluar të gjitha shitësit më të mirë të “Toyota”-s në fillim të këtij viti.
“Tesla” gjithashtu i është bashkuar festës me një postim në Twitter, në të cilin falënderon të gjithë klientët e saj për arritjen e këtij momenti historik. Një mesazh që e ka ndarë edhe vetë Elon Musk, kreu i kompanisë në fjalë.
