Tezat e Gjuhës Shqipe dhe Letërsisë u publikuan në rrjetet sociale, në më pak se një orë nga nisja e provimit.
Menjëherë më pas reagoi Ministria e Arsimit, provimi po kryhet sipas standardeve dhe procesi nuk është cenuar.
“Provimi i Gjuhës Shqipe dhe Letërsisë po kryhet sipas standardeve, nuk cenohet procesi. Ministria e Arsimit dhe Sportit garanton se janë marrë të gjitha masat e nevojshme për të siguruar mbarëvajtjen e procesit të provimeve dhe për të ruajtur integritetin e tij të plotë. Publikimi i tezës së provimit të lëndës Gjuhë shqipe dhe Letërsi, pas fillimit të procesit të testimit nuk e cenon aspak ecurinë dhe besueshmërinë e procesit të provimit të Maturës Shtetërore. Rreth 27 mijë maturantë, në 145 qendra provimi në të gjithë vendin, po zhvillojnë provimin e Gjuhës Shqipe dhe Letërsisë në kushte të qeta dhe në përputhje me të gjitha standardet e sigurisë të parashikuara në rregulloren e Maturës. Institucionet arsimore, në bashkëpunim me MAS-in, mbeten të angazhuara për të ofruar një proces të drejtë, të barabartë dhe transparent për çdo maturant”.
Në të gjithë vendin, sipas Ministrisë së Arsimit, janë 27 mijë maturantë që do të zhvillojnë provimet për të vijuar më pas me aplikimin për në sistemin universitar.
Provimi i parë ishte ai i gjuhës së huaj, që u zhvillua në 3 qershor. Ndërkohë, më 17 qershor, maturantët do të vijojnë me matematikën dhe do të mbyllin sezonin me provimin me zgjedhje në 24 qershor.
j.l./ dita
Saliu nje komunist me cilesi te rralla diversioniste! Ku valle Saliu i gjen keto qenije njerezore shqiptare! Mulin, Paloken, Albanen po Auron Kalene, Alimehmetin, njerez medioker! O Zot cfare po ndodh ne vendin e Saliut!
Shumë keq po na bëhet gjithçka jo e sigurt vetëm negativitet si ka mundësi që shumë tē papërgjegjshëm e të këqij që kan diçka në dorë dhe po shkatërrojn të ardhmen jo vetëm të fëmijve por të atdheut.Ndalojeni me çdo mënyrë ashpërsie qoft zirtar a kushdo qoft të veprojn të ndershmit e ata që duan atdheun.