Hafthor Bjornsson, i njohur si “Mali” (The Mountain), në serialin hit “Game of Thrones”, ka pësuar një dëmtim të tmerrshëm teksa po përpiqej të peshonte 252.5 kg në stol. Aktori 34-vjeçar islandez krisi gjoksin, ndërsa përpiqej të mposhtte rekordin e tij personal në këtë ushtrim force.
Menjëherë pas lëndimit, Hafthor Bjornsson u shtri plotësisht, ndërsa disa asistentë e ndihmuan të ngrinte shiritin e rëndë. I tillë ka qenë momenti rrëqethës saqë shumë kanë mbetur pa fjalë në palestër. Pas asaj që ndodhi, aktori i njohur islandez ndau një mesazh në profilet e tij sociale, drejtuar miliona ndjekësve. “Faleminderit të gjithëve për mbështetjen, mesazhet dashamirëse dhe dashurinë në këto kohë të vështira në vazhdim. Kjo do të thotë shumë për mua”, nis postimi.
“Kjo është vetëm një sfidë dhe një pengesë e vogël. Unë do të kthehem më i fortë”, thotë ai në postimin në të cilën ai bashkangjit një imazh të tij, me dëmtimin në kraharor.