Po shkon drejt fundit numërimi i votave për zgjedhjet lokale të 14 majit.
Të majtët thelluan rezultatin edhe me 7 bashki të tjera, që KQZ pritet t’i bëjë zyrtare nga çasti në çast.
Mes tyre vlen të theksohen bashkitë Shkodër dhe Durrës, duke e çuar në 49 bashki për socialistët dhe vetëm 6 për të djathtët e “Bashkë Fitojmë”, kur mbeten edhe 6 në proces.
Në këto, të djathtët po kryesojnë lehtë vetëm në Kavajë.
PS ka triumfuar deri tani në 49 bashki, Kamëz, Vorë, Elbasan, Pustec, Kolonjë, Librazhd, Dropull, Tropojë, Roskovec, Libohovë, Rrogozhinë, Këlcyrë, Gramsh, Belsh, Përmet, Delvinë, Selenicë, Tepelenë, Peqin, Poliçan, Devoll, Lushnjë, Bulqizë, Mat, Klos, Korçë, Kuçovë, Sarandë, Dibër, Skrapar, Cërrik, Patos, Prrenjas, Berat, Vau i Dejës, Mallakastër, Vlorë, Konispol, Maliq, Lezhë, Dimal, Mallakastër, Divjakë, Shijaku, Përmet, Pogradec, Mallkastër dhe Divjakë.
PS kryeson edhe në 4 të tjera ku vijon numërimi si në Kurbin, Malësi e Madhe, Kukës dhe Tiranë. Ndërkohë që BF prin vetëm në Kavajë, e ka kthyer në kutitë e fundit.
Ndërsa “Bashkë Fitojmë” në gjashtë bashki Pukë, Has, Himarë, Memaliaj, Mirditë, Fushë Arrëz.
Në Finiq fitoi partia MEGA.
Dyshja Berisha-Meta nuk arritën që të fitonin as në vendet e tyre të lindjes, në Tropojë dhe Skrapar, bashki këto të “veshura rozë”.
