Nata e pardjeshme ishte shqetësuese, thellësisht toksike për Gareth Southgate dhe lojtarët e tij të Anglisë. Por kryesisht për vetë Southgate, i cili tani do të ketë jo vetëm këmbët, por të gjithë trupin e tij të lodhur, nën zjarrin e opinionit të tërbuar publik.
Ishte turpëruese humbja kundra Hungarisë me rezultatin 4-0, një kombëtare të cilën Armando Broja e ka mposhtur i vetëm 2 herë në kualifikueset e Botërorit.
Anglia erdhi e lodhur në Molineux në kërkim të mbylljes së një sezoni të Ligës së Kombeve, ku kanë vetëm me një fitore. Ajo që ata morën ishin 90 minuta dhimbje, vuajtje, mavijosje.
Southgate hyri në fushë në minutën e 90-të, i ofenduar, i zemëruar nga të gjitha këndet. Kishte britma zemërimi të vërtetë, tradhtie.
Southgate është trajneri më i suksesshëm i Anglisë në epokën moderne. Ai është një njeri i mirë dhe punëtor. Në çdo masë, e ka udhëhequr shkëlqyeshëm Anglinë.
Edhe kur nuk ka patur asnjë humbje, ai është etiketuar si i dështuar. Edhe në një seri fitoresh pothuajse të vazhdueshme, golave, momenteve të arta, trajneri i Anglisë është konsideruar si një mashtrues.
Epo, publiku mori më në fund atë që kërkonte. Një mposhtje 4-0 në shtëpi nga Hungaria, gjatë së cilës Anglia thjesht u shpërbë.
Të gjitha ekipet, të gjitha entitetet sportive janë një akt i përbashkët i vullnetit, i shpirtit, i dëshirës që kjo gjë të funksionojë. Por në pjesën e dytë, Anglia thjesht avulloi, ishte një ekip pa rezistencë. Nganjëherë dukej pothuajse komike.
Në golin e tretë të Hungarisë nga Zsolt Nagy, tifozët mysafirë lart në tribunën e largët nisën të talleshin. Dhe Southgate, natyrisht, do të ketë kokëçarje të mëdha në ditët e ardhshme. Kjo tashmë po ndodhte edhe pse Anglia kishte humbur vetëm një herë në 18 muajt e fundit.
d.t. / dita
