Dy efektivë të policisë të cilët po udhëtonin me motor, kanë mbetur të plagosur pasditen e sotme në Tiranë, pasi janë përplasur me një makinë, teksa ishin me shërbim patrullimi.
Aksidenti ka ndodhur në kryqëzimin e rrugës ‘Medar Shtylla’ dhe ‘Prokop Mima’, ku makina me drejtues shtetasin P. U., është përplasur me motomjetin e Policisë me drejtues shtetasin A. Ll.Nga përplasja janë dëmtuar dy punonjësit e Policisë, drejtuesi i motomjetit inspektor A. Ll., dhe pasagjeri që ndodhej me të, inspektor E. P., të cilët ndodhen jashtë rrezikut për jetën. Grupi hetimor po punon për sqarimin e rrethanave të aksidentit.
