Zhvillime të reja nga lufta në Ukrainë. Sot kryeministrti spanjoll Pedro Sanchez ka vizituar Kievin, ndërsa më pas ka zhvilluar nëj takim me presidentin e Ukrainës Volodymyr Zelenskyy.
Sanchez u prit nga zëvendësministri i Jashtëm i Ukrainës, ambasadori ukrainas në Madrid dhe ambasadori spanjoll në Ukrainë.
Vizita e liderit spanjoll vjen pasi presidenti amerikan Joe Biden kishte premtuar ndihmë të re ushtarake për Ukrainën me vlerë 500 milionë dollarë gjatë një vizite të papritur në Kiev të hënën.
Të martën, kryeministrja italiane Giorgia Meloni vizitoi gjithashtu kryeqytetin ukrainas për bisedime me Zelenskyy, të cilin ajo u zotua të vazhdojë ta mbështesë në rezistencën ndaj sulmeve ruse, por përjashtoi mundësinë e ofrimit të avionëve luftarakë.
Të mërkurën, Ministrja e Mbrojtjes e Spanjës Margarita Robles u tha ligjvënësve në dhomën e ulët se Madridi do të furnizojë Ukrainën me gjashtë tanke luftarake 2A4 Leopard të prodhimit gjerman, pasi ato t’i nënshtrohen riparimeve, me dorëzimin që pritet në fund të marsit ose në fillim të prillit.
Nga ana tjetër, sot presidenti rus Vladimir Putin mbajti homazhe për ushtarët e rënë të vendit në Ditën e Mbrojtësit të Atdheut duke vendosur lule në Varrin e Ushtarit të Panjohur në Moskë.
Ai përgëzoi forcat e tij të armatosura për punën e tyre dhe vendosi një kurorë me lule në Varrin e Ushtarit të Panjohur një memorial lufte kushtuar ushtarëve sovjetikë të vrarë gjatë Luftës së Dytë Botërore.
Festa publike, e njohur edhe si Dita e Ushtrisë, përkujton themelimin e Ushtrisë së Kuqe.
Për shumë njerëz në Rusi, kjo është një ditë e rëndësishme epse shërbimi ushtarak është i detyrueshëm për shumicën e burrave në vend.
Më herët ditën e sotme ai deklroi se do të rrisë potencialin e armëve bërthamore, duke kërcënuar kështu hapur kundërshatrin e tij në luftë Ukrainën, e cila së fundmi ka marrë vëmendjen maksimale nga vendet Perëndimore.
j.l./ dita
