Dy pronarët e një lokali në Dhërmi do të mbyllen përjetë në qeli, për torturimin dhe vrasjen e kamerierit Denis Vyshka. Gjykata e Lartë ka vendosur që të lërë në fuqi vendimin e Gjykatës së Apelit Vlorë, për Altin Ymerin dhe Ersi Ziflajn. Gjykata e Lartë ka kthyer për rigjykim çështjen për Miklovan Zymerin, i dënuar me 35 vite burg.
Togat e zeza kanë vendosur që çështje të rigjykohet në Apel, për shkelje të procedurave ligjore. Ngjarja e tmerrshme ka ndodhur më 14 gusht të vitit 2014 rreth orës 03:00 të mëngjesit. Në dosjen e Prokurorisë thuhet se dy pronarët e torturuan kamerierin, duke i fikur cigaret e ndezura në trup. Ata kishin dyshime se Denis Vyshka u kishte vjedhur 500 mijë lekë të vjetra nga xhiroja e lokalit. Prokuroria e Vlorës në dosje theksonte se Altin Ymeraj e kishte goditur kamerierin me sende të forta.
Punonjësit e lokalit kanë treguar në atë kohë se pas torturave të vazhdueshme, Ziflaj dhe Zymeri e kanë marrë kamerierin në makinë dhe e kanë larguar nga lokali. Në dosje thuhet se Eris Ziflaj vazhdonte ta godiste kamerierin edhe brenda në automjet, ndërsa makina drejtohej nga Miklovan Zymeri. I riu është torturuar për rreth 3 orë nga autorët. Shkak i vdekjes sipas ekspertizës ishte mbytja me litarë. Pasi i riu ka humbur jetën ata e kanë hedhur trupin diku afër bregdetit.
