Tottenham nuk ka ndërmend ta lëshojë Harry Kane dhe ka refuzuar ofertën e radhës të Bayernit për sulmuesin anglez. Sipas faqes së internetit “The Athletic”, vlerat e ofruara janë ende larg atyre të kërkuara nga Spurs, madje kjo do të ketë qenë oferta e fundit.
I njëjti burim thotë se diferenca mes ofertës dhe kërkesës është plot 29 milionë euro. Oferta e parë, në qershor, ishte 70 milionë plus bonuse, e cila më vonë u përmirësua në qershor në rreth 99 milionë euro, ende e konsideruar si e pamjaftueshme.
Drejtuesit e klubit londinez synojnë, sipas gazetës britanike “The Independent”, të marrin një shumë që tejkalon 120 milionë euro për të liruar sulmuesin. Kujtojmë që Harry Kane është i lidhur me klubin londinez deri në qershor të vitit 2024.
