Një gjykatë në Milano ka liruar nga burgu Alket Hatijën, të dënuar për trafik droge, i cili në bashkëpunim me 40 persona të tjerë, ka transportuar sasi të mëdha heroine e kokaine nga Shqipëria
Alket Hatija i njohur edhe si “Baroni” apo “Zoti i Drogës”, pasi trafikoi në Itali 540 kilogramë heroinë e kokainë në vitet 2003-2004 u ekstradua të 30 gusht në drejtim të Italisë, ku do të vuante dënimin me 20 vite burg të dhënë nga Gjykata e Apelit të Milanos në vitin 2015.
Por, pas procedurave të kryera, gjykata italiane ka bërë me dije se Hatija ka vuajtur dënimin në Shqipëri dhe e ka liruar.
Kujtojmë se me 30 shtator të këtij viti, SPAK kërkoi konfiskimin e 8 pasurive të Alket Hatijas.
Bëhet fjalë për 8 pasuri, të cilat janë në pronësi të Hatijës, vëllait e bashkëshortes të tij, të cilat sipas argumentimit të SPAK janë me burim të pajustifikuar.
j.l./ dita
