Emrat e 11 anëtarëve të dyshuar të grupit kriminal të drejtuar nga Jetmir Pepaj alias Jetmir Marashi, janë zbardhur. Grupi kriminal akuzohen për trafikimin e mbi 7 tonëve kokainë.
11 anëtarët e grupit kriminal janë: 1-Aleks Pepaj alias Shkëlqim Pepaj, 2-Jetmir Pepaj alias Jetmir Marashi, 3-Albert Pjetri, 4-Fatjon Marku, 5-Anton Marku alias Anton Tamure,m 6-Florjan Vuka alias Vathaj, 7-Kristjan Lleshi, 8-Klevi Leka, 9-Lulzim Pepa, 10-Anton Kola dhe 11-Ilir Lazri.
Ditën e djeshme Gjykata e Posaçme la në fuqi masat e arrestit në burg për tre anëtarët e grupit kriminal të Jetmir Pepës. SPAK njoftoi se në kuadër të këtij operacioni janë arrestuar vetëm tre anëtarë të grupit, Lulzim Pepaj, Florian Marku dhe Anton Kola.
Jetmir Pepa është një emër i njohur për blutë. Pepa është një personazh me precedent të mëparshëm kriminal dhe i shpallur në kërkim më herët pas një sherri me armë në një koncert. Ai rezulton në kërkim nga Policia e Tiranës pas ka qëlluar me armë zjarri në Parkun Olimpik në një koncert festiv natën e ndërrimit të viteve.
Pas një sherri, Pepa ka qëlluar dy herë me armë zjarri në mes të koncertit, ku po festohej nata e ndërrimit të viteve dhe më pas është largua. Teksa Pepa ka qëlluar me armë, në skenë po performonte reperi Stresi. Koncerti mbahej në sallën e Parkut Olimpik në rrugën “Liman Kaba” në Tiranë dhe ishte marrë me qira nga Cinco Cavalli Group.
Pepa u përfol në media edhe si ish-bashkëshorti i Mariela Berishës, motrës së Antonela Berishës, e cila së bashku me motrën e saj dhunuan brutalisht blogeren Klea Prenga, ngjarje e ndodhur mbrëmjen e 6 gushtit 2024.
SPAK njoftoi se në kuadër të këtij operacioni janë arrestuar vetëm tre anëtarë të grupit, Lulzim Pepaj, Florian Marku dhe Anton Kola. Në kuadër të këtij operacioni janë sekuestruar 12 milionë euro pasuri të ndryshme.
Sipas SPAK, hetimet kanë dokumentuar aktivitetin e grupit gjatë viteve 2019–2021 në Amerikën Latine, Belgjikë dhe Holandë, ku janë evidentuar 8 episode të trafikut të kokainës në sasi të mëdha. Sipas SPAK, grupi kriminal ka realizuar disa episode të trafikut të kokainës, kryesisht nga Amerika Latine drejt porteve europiane, veçanërisht në Roterdam dhe Amsterdam.
j.l./ dita
Po kush është ky turiqrlbur i mjerë?