Një krim i rëndë ka ndodhur në një familje shqiptare në Huntertoun të SHBA-ve. Mësohet se 49-vjeçari Arben Gllace, ka qëlluar 4 herë me armë zjarri drejt gruas së tij, Arjana Gllace, 48 vjeçe dhe më pas është vetëvrarë.
Ngjarja ka ndodhur të dielën dhe trupat e bashkëshortëve të pajetë janë gjetur brenda një shtëpie 12000 të ‘Shearwater Run’.Kur oficerët arritën në vendin e ngjarjes, i gjetën Arben dhe Arjana Gllacen të dy të pajetë si pasojë e plagëve të rënda që kishin marrë.
Ende nuk dihen rrethanat e ngjarjes së rëndë, por mediat e huaja shkruajnë se kjo është vrasja e 13-të në këtë qark.
