Tragjedia me tre të vrarë në Klos, lirohen dy vëllezërit e autorit

Janë liruar sot nga burgu dy vëllezërit e Fiqiri Mjeshtrit, autor i dyshuar i masakrës së Klosit me 3 të vrarë.

Kenado dhe Liri Shira, babë e bir mbetën të vrarë nga breshëria e plumbave, ndërsa Eglantin dhe Renato Hasula të plagosur.

Fiqiri Mjeshtri dyshohet se vrau veten pas krimit.

Vëllezërit e tij, Bashkim dhe Besnik Mjeshtri u shoqëruan dje në ambientet e policisë.

Por sipas BW, ditën e sotme, pas marrjes në pyetje janë liruar.

Shkak i konfliktit dyshohet se u bë vajza 16-vjeçare e Fiqiri Mjeshtirt.

Ajo ka deklaruar në polici se shantazhohej në Instagram nga dy kushërinjtë Renato Hasula dhe Kenad Shira, djem tezesh dhe se për këtë shkak kishte ditë që nuk shkonte në shkollë pasi ndihej e frikësuar.

Mësohet se kjo gjendje e së bijës është vënë re nga autori, Fiqiri Mjeshtri, i cili e ka pyetur dhe ajo i ka treguar arsyen. Pas kësaj, 39-vjeçari bashkë me dy vëllezërit e tij, ka kërkuar që të sqarohet me dy të miturit të cilët morën edhe prindërit e tyre me vete në lokal Eglantin Hasulën dhe Ilir Shirën. Po ashtu mësohet se në dijeni të konfliktit kanë qenë dhe mësues të gjimnazit në Klos.

Pasi kanë mbaruar shkollën, dy kushërinjtë janë pritur nga autori dhe së bashku me prindërit kanë shkuar në lokal që të sqaroheshin, por duket se situata ka agravuar dhe më pas Mjeshtri qëlloi me armë zjarri në drejtim të tyre, duke vrarë babë e bir, Ilir dhe Kenad Shirën dhe plagosi Eglantin dhe Reanto Hasulën.

j.l./ dita