Transferimi i nxënësit nga një shkollë e mesme drejt një tjetre, si rregull, bëhet pas përfundimit të vitit shkollor, ose pas përfundimit të njërit prej tremujorëve të periudhës mësimore. Përjashtim përbëjnë vetëm rastet, kur nxënësi ndërron vendbanimin. Procesi i transferimi në rastet e ndërrimit të vendbanimit në një zyrë tjetër vendore të arsimit mund të bëhet edhe gjatë vitit shkollor.
Procedura për transferimin tashmë mund të bëhet online në portalin qeveritar. Kështu, personi që ushtron përgjegjësin prindërore mund të bëjë një aplikim online nëpërmjet portalit qeveritar “e-albania” ku plotëson të dhënat e nevojshme në formularin e përcaktuar.
Nxënësi lejohet të transferohet nga shkolla e arsimit të mesëm profesional në gjimnaz me kohë të pjesshme, vetëm pas vitit të parë shkollor dhe pasi të kalojë në provimet e njëvlershmërisë.
Ndalohet transferimi i nxënësve nga arsimi i mesëm me kohë të pjesshme në arsimin e mesëm me kohë të plotë.
Transferimi i nxënësit të shkollës së arsimit të mesëm të lartë në një shkollë të një profili tjetër mund të bëhet pasi përfundon viti shkollor dhe me miratim të ZVA-së.
Gjithashtu, është e ndaluar që të bëhet transferimi i nxënësve nga shkollat e arsimit të mesëm me kohë të pjesshme, në arsimin e mesëm me kohë të plotë.
p.k\dita
