Policia e Vorës ka vënë në pranga dy të rinj nga Shkodra, të cilët u kapën duke transportuar emigrantë të paligjshëm.
Si rezultat i operacionit të koduar “Pararoja 2”, janë vënë në pranga shtetasit me inicialet K. A, 24 vjeç dhe E.A 32 vjeç, të dy banues në Shkodër.
Dy të rinjtë janë kapur në flagrancë nga shërbimet e Policisë, në Vorë, duke transportuar me 2 automjete, 13 emigrantë, të cilëve, kundrejt pagesës 600 euro për person, iu kishin premtuar transportimin nga Saranda në drejtim të Shkodrës, me qëllim kalimin e tyre në pikën kufitare me Malin e Zi, me destinacion final vendet e BE-së.
Në vijim të veprimeve u proceduan penalisht 13 emigrantët e paligjshëm, për veprën penale “Kalimi i paligjshëm i kufirit shtetëror”.
Materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme.
p.k\dita
