E shtuna u shpall nga radikalët e majtë të Lajpcigut “Dita X” në shenjë solidariteti me studenten e dënuar Lina E.
Megjithëse demonstrata e kësaj të shtune u ndalua me një vendim gjykate, ajo u zhvillua dhe ka pasur trazira.
Njerëz të maskuar kanë sulmuar policinë në lagjen Konevitc në Lajpcig duke hedhur gurë dhe materiale piroteknike në drejtim të policisë, – bën të ditur agjencia gjermane e lajmeve, dpa.
Policia përdori gazin lotsjellës.
Shumica e barrikadave të ndezura u shuan. Megjithatë gjatë natës u shënuan mjaft “vepra penale” bën të ditur policia. Disa nëpunës policie u dërguan në spital të lënduar, një gazetar është sulmuar nga një person i panjohur. Të shtunën në mëngjes policia ka kryer tre arrestime.
“Dita X” u thirr në shenjë solidariteti me studenten e dënuar Lina E., dhe tre të akuzuar, të cilët u shpallën fajtorë pas akuzave për krjimin e një organizate kriminele dhe kryerjen e gjashtë sulmeve serioze ndaj neonazistëve, një rast ky i pazakontë dhune ekstremizmi të majtë në Gjermani.
Në Lajpcig, qytetin e Lina E., thonë se ajo akuzohet si terroriste e majtë duke u kthyer në kokë turku si për mediat edhe për autoritetet. Shumë ankohen se sistemi i drejtësisë është i butë me neonazistët.
Policë nga e gjithë Gjermania në Lajpcig
Demonstrata të shtunën është ndaluar, këtë e konfirmoi edhe Gjykata Administrative në Lajpcig të premten në mbrëmje. Bashkia e kishte ndaluar gjithashtu demonstratën e “Ditës X” nën moton “United we stand -megjithatë mbrojmë antifashizmin autonom”, me argumentin se ekziston rreziku i një demonstrate të dhunshme.
Bazë për këtë ishin prognozat e autoriteteve të sigurisë. Sipas policisë ekziston rrezik dhune dhe ka pasur thirrje për militantizëm. Qarqet e majta kishin bërë thirrje për mobilizim në Lajpcig me qëllim të ardhjes së përkrahësve nga Gjermania dhe Europa.
Për të ruajtur rendin Drejtoria e Policisë së Lajpcigut u mbështet të shtunën nga trupa policore të ardhur nga të gjitha landet gjermane.
j.l./ dita
