Një tjetër ngjarje dramatike që ka për protagonistë shtetas të huaj, ka ndodhur në veri të vendit. Tre turistë çekë u raportua kanë mbetur të bllokuar në malin e Jezercës, ndërsa në ndihmë u ka shkuar ministria e Mbrojtjes, e cila ka dërguar një helikopter “Cougar” për t’i evakuar.
Ministri Niko Peleshi, me një postim në Facebook, thotë se gjendja e tyre shëndetësore është e mirë, ndërsa po ndihmohen nga efektivët e misionit SAR.
“Helikopteri Cougar, me personel të kërkim shpëtimit kanë shkuar në ndihmë të 3 turistëve çekë, që kanë mbetur të bllokuar në malin e Jezercës. 3 turistët janë në gjendje të mirë shëndetësore, ndërsa po ndihmohen nga efektivët e misionit SAR”, shkruhet në postim.
