3 raste janë goditur nga policia e Tiranës për tragtim të mallrave kontrabandë. Vihen në pranga pronarët e 3 subjekteve tregtare të cilët tregtonin celularë. Si rezultat janë sekuestruar 65 aparate celulare të llojeve të ndryshme.
Specialistët e Seksionit për Hetimin e Krimeve Ekonomike dhe Financiare, në vijim të punës për parandalimin, evidentimin dhe goditjen e paligjshmërive, në kuadër të operacionit policor të koduar “Phones 2”, kanë goditur 3 raste të tjera të kontrabandës së mallrave, për të cilat u bë arrestimi i Musa Xhaferit, Edison Lalës dhe Etmont Peposhit.
Materialet i kaluan Prokurorisë, për veprime të mëtejshme procedurale.
o.j/dita
