Një 15-vjeçare ka humbur jetën nën rrënojat që la pas tërmeti tragjik i të hënës në Turqi.
Babai i vajzës e ka kapur nga dora dhe nuk e ka lëshuar edhe pse tashmë gjithçka ka mbaruar.
Fotoja pikëlluese tregon burrin në gjendje shoku, dhe dorën e vajzës së bllokuar poshtë pirgut me gurë.
Ai nuk ka mundur ta nxjerrë dot në kohë dhe me sa duket, as ekipet e shpëtimit nuk kanë mundur.
Tërmeti tragjik goditi Turqinë mëngjesin e së hënës duke shkaktuar deri tani mbi 5.000 viktima dhe mijëra të plagosur.
Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan.
Bëhet me dije se ka pasur edhe tërmete pasuese, përfshirë edhe një me magnitudë 7.5 ballë të shkallës rihter.
Ekipet e emergjencave po punojnë për nxjerrjen e personave që ndodhen nën rrënoja.
o.j/dita
